@ 
大埔民政專員陳巧敏15/10聯同大埔區議員陳灶良、陳博智、余智榮、駱小鸞，以及香港漁民團體聯會、惠陽蘇徐李鍾石五宗親聯會、大埔漁民合作社有限責任聯合總社同埋水警北分區嘅代表，齊齊去鹽田仔同塔門一帶海域探訪漁民，向佢哋派發國旗同大埔賀國慶75周年禮罐，分享國慶喜悅。漁排同漁船國旗隨風飄揚，延續大埔區海陸空慶祝新中國成立75周年嘅熱鬧氣氛。
探訪期間，大家仲參觀咗魚排同觀摩魚船收網過程，加深了解漁民點樣運用大埔區得天獨厚嘅海上資源，持續發展漁業。
近日秋意漸濃，風高物燥，專員探訪漁民期間，不忘提醒佢地要提高防火同防騙意識，以保障生命同財產嘅安全。
