@ 
由觀塘區學校聯會、香港校董學會主辦、觀塘民政處協辦嘅「慶祝中華人民共和國成立75周年-觀塘區學校江西贛州參訪團」喺9 - 12/10開展咗4日3夜行程 。
參訪團由立法會議員顏汶羽擔任名譽團長、區議員馬軼超、香港校董學會主席林建華博士、觀塘校聯會主席金偉明校長及觀塘民政助理專員張家朗擔任團長，帶領25位觀塘區嘅中小學教育人員 ，包括校監、校董、校長及老師，前往中國紅色教育革命基地江西贛州參觀訪問 ，行程豐富。特此鳴謝贛州市文廣旅局精心安排同接待。
參訪團第1日先到紅軍開展長征第一渡嘅于都，為行程掀開序幕。團友走進中央紅軍長征出發紀念館，回顧紅軍踏上二萬五千里長征，渡大江、突重圍、過草原、翻雪山，歷盡艱辛建立新中國嘅經歷，令各位參訪者感慨萬千 ！
第2日，團友參訪多位建國領導人喺瑞金嘅舊居，以及中國共產黨歷史上重要嘅會議遺址，了解到革命先鋒忘身奮鬥 ，心中只繫人民幸福同國家命運嘅經歷，令人肅然起敬 ！望住一口紅井，大家腦海中都不禁浮現一句：吃水不忘挖井人！
第3日，團友到訪位於國家自然保護區九連山東北麓嘅虔心小鎮以及定南客家古城，前者以綠色生態 及生態農業為基礎，後者則係一個保存大量客家傳統嘅古城。參觀過後，大家都對客家文化有更深體會 。團友更與贛州市文廣旅局局長李俊銳交流，了解贛州市推動旅遊方面嘅經驗。
行程最後一日，參訪團參觀咗江南宋城歷史文化街區。古城歷史悠久，猶如一部歷史古典，讓團友更加深入認識宋代嘅文化歷史。隨後大家亦到方特東方欲曉主題公園（國家首座以紅色文化為主題嘅大型高科技主題公園）參觀。主題公園將歷史巧妙融合於機動遊戲之中，令參觀者大開眼界 。
今次參訪團除咗讓觀塘區一眾教育界人士更加認識贛州外，亦提供平台互相加深了解 ，彼此交流對愛國教育嘅意見及看法，獲益良多 。觀塘民政處會繼續與地區不同團體合作舉辦更多活動，希望大家繼續支持 。
