@ 
新一份《施政報告》繼續重視民生，而油尖旺民政處最近就統籌今年第14輪雜物清理行動，涉及三次行動：
前日(15/10) 喺旺角染布房街行人天橋，月初(8/10) 喺荔枝角道天橋底，同埋上月底(20/9) 喺渡船街行人天橋底一共清走超過1 600 公斤垃圾。
每次行動前部門都有張貼通告，通知搬走雜物嘅期限，亦提供福利服務資料，我哋多謝有關人士配合。
油尖旺民政專員余健強到場感謝工友辛苦開工，亦多謝區議員許德亮、鍾港武、關煒曦、黃舒明及孫智敏，分別到場觀察過程。
油尖旺四個分區會同樣關心街道管理問題，之前就去到區內唔同地方，視察街道環境衞生同後巷清潔情況，再向相關部門反映。
@