@ 
中西區民政專員兼區議會主席梁子琪聯同中西區區議員10月16日參與太古中央廣場生物多樣性導賞團，參觀本年度完成重建、以生物多樣性作設計理念嘅綠化園林空間。
專員及一眾議員從太古坊二期走廊出發，到達佔地超過70,000平方尺嘅廣闊休憩園林區域。導賞員介紹園林入面包含多達260種植物，其中約兩成更係香港嘅原生物種，包括本地蘭花「竹葉蘭」同埋珍貴嘅「土沉香」🪵。植物多樣性能夠為區內嘅雀鳥同昆蟲提供生存所需，綠化園林空間亦慢慢成為佢哋嘅棲息地，體現咗生態同商業發展之間嘅平衡。
透過今次導賞團，大家對生物多樣性加深入認識，並體會到生態與商業發展和諧共存嘅理念。一眾區議員期待日後能將生物多樣性嘅理念帶回中西區，為社區注入活力，讓社區成為一個生機勃勃、和諧共存嘅美麗地方！
