@ 
第七屆區議會議員培訓班（上海）第六期圓滿完成。沙田同九龍城共59位成員，加上2位嚟自北區及1位嚟自屯門嘅區議員，喺沙田及九龍城兩位民政專員兼區議會主席嘅帶領下，到上海參加咗四日三夜嘅區議會議員培訓班 。
四日嘅學習同考察行程非常豐富，議員們深入學習習近平總書記關於基層治理嘅重要論述，並現場觀摩上海喺推動社區治理中嘅成功實踐。
喺現場學習方面，議員們參觀咗實踐「15分鐘社會生活圈」建設嘅長寧區新華路街道、長寧區古北市民中心、文體商旅融合嘅蟠龍天地、世界級濱水區徐滙濱江同楊浦濱江等。透過「現場參觀、集中研討、教師總結」，以及親身與當地社區人員交流 ，啟迪議員們就如何持續改進地區治理，提升治理能力作深入思考 。其中，新華街道「15分鐘社區生活圈」 令人印象深刻。呢個概念強調居民喺區內可享受便捷嘅生活服務，包括醫療、購物、休閒等基本需求。區議員可推動各界合作，提升生活和社區服務質量，為市民營造更有溫度嘅社區 。
喺課堂學習方面，除咗專題理論教學，議員們亦得到多位老師親身分享地區管理經驗，獲益匪淺。上海嘅社區治理強調全民參與，通過群眾嘅力量解決社區問題，例如社區升降機更新、美食街區改造等案例，充分體現「人人參與、人人共享」嘅理念，提高居民嘅參與感，亦促進社區嘅和諧穏定，讓議員們更深刻地了解到地區工作應重視市民嘅意見與需求，共同參與社區治理，實現「政通人和」。議員們均認為結合呢四日嘅所學所得，能更有效為推動地區治理作貢獻。
@