@ 
一連五日嘅國慶亮點活動「魅力荃城賀國慶 幻影飄色市集樂繽紛」17/10開始啦！喺開幕禮當中，荃灣民政專員區家盛、荃灣各界慶祝國慶籌委會主席陳曉津及其他嘉賓敲響銅鑼，啟動節目。睇活動名就知內容非常豐富，包括市集、光影表演同飄色巡遊，一定唔可以錯過！
活動亮點之一，「印象荃灣國慶光影大匯演」18/10首場正式上演！荃灣民政專員區家盛、荃灣警區副指揮官鄧國雄、中聯辦新界工作部處長盧金榜、荃灣各界慶祝國慶籌委會主席陳曉津，帶領一眾嘉賓，為呢場精彩嘅光影盛宴揭開序幕。
活動吸引咗眾多市民前來觀賞 ，今次光影匯演係一個結合藝術與科技嘅精彩展覽，透過紗幕投影、人工智能、交互體驗、舞蹈表演同燈光藝術等多種形式，以《共青家持》、《共啟新生》、《共榮荃灣》等五個沉浸式光影篇章，串連祖國、香港同荃灣，真係非常有特色同心思。 匯演除咗有影像喺紗幕上面播放之外，仲有舞蹈演出，令整個匯演效果更加耳目一新！ 現場有份欣賞匯演嘅觀眾都感受到巨幕播放嘅震撼。播放完畢後，整個場地都充滿歡呼聲， 大家對匯演都讚不絕口！
**********
魅力荃城賀國慶 幻影飄色市集樂繽紛活動詳情
地點：荃灣沙咀道遊樂場
日期：17 - 21/10
時間：
14:00-22:00（17 - 18/10）
12:00-22:00（19 - 20/10）
14:00-20:00（21/10）
