@ 
離島民政處喺10月9日及16日，聯同醫務衞生局喺東涌社區會堂為關愛隊舉辦為期4堂嘅精神健康急救課程，以便佢哋喺遇到有精神健康需要嘅求助個案時，可以提供適切協助 。
課程期間，導師向參加者詳細講解精神健康概念 、急救處理 、焦慮症與嚴重精神病等等資訊。大家都細心聆聽，積極發問 ，亦都分享咗佢哋喺探訪時嘅親身經歷，務求日後可以更適切為受情緒或精神困擾的人士提供支援，並且協助轉介求助個案。
參加者喺順利完成課堂後獲頒發證書 ，嚟緊會將知識分享返畀其他隊員，更會學以致用，為離島區嘅居民提供更優質嘅服務 。
