@ 
為慶祝國慶75周年，中西區民政專員梁子琪喺日前10月17日聯同一眾中西區區議員及各委員會成員組成打卡團，嚟到區內國慶布置熱點打卡，包括加多近街海濱長廊旗海、中區警署總部外牆巨型海報同中山紀念公園賀國慶燈飾。國旗區旗飄揚以及國慶75周年巨型海報同裝飾都吸引不少市民大眾前來打卡 ，除咗感受到國慶嘅喜悅，仲可以加強大家對國民身份嘅認同。
1) 加多近街海濱長廊
加多近街海濱長廊係一個絕佳既觀景地點，呢度有寬敞嘅步道，非常適合散步同影相。特別係黃昏時分，欣賞由國旗區旗組成嘅旗海，配合埋夕陽映照下嘅海面，令人賞心悅目！
2) 中區警署總部外牆巨型海報
中區警署總部位於上環，交通方便，而家喺外牆掛咗一幅慶祝國慶75周年嘅巨型橫額，行過或搭車經過都一定會見到，吸睛之餘亦增添喜慶氣氛！
3) 中山紀念公園
中山紀念公園係個充滿自然氣息嘅地方，公園裏面有綠樹成蔭既小道同舒適既休憩區。為慶祝國慶75周年，公園內擺放咗不同姿態嘅大熊貓裝置，十分可愛，令市民大眾都感受到國慶歡樂嘅氣氛！
誠邀大家一齊嚟打卡，歡度國慶75周年！
