@ 
東區民政處10月20日，聯同東區文藝協進會喺柴灣青年廣場Y綜藝館以祖國偉大嘅航天科技為題，舉辦《同心共創航天夢》音樂劇，歌頌祖國航天事業，藉此推廣愛國教育，同賀國慶。東區民政專員兼東區區議會主席陳尚文、東區文藝協進會主席彭韻僖、中聯辦港島工作部副處長羅文臻及香港科學館總館長李為君𦲷臨主禮。
Y綜藝館搖身一變成航天館，小朋友以太空人扮相粉墨登場，載歌戴舞，帶領觀眾踏上奇妙嘅宇宙探索之旅，將航天知識生動展現眼前。現場仲有歌手獻唱金曲，共享國慶喜悅。
科學館總館長同一班曾到內地參與太空人體驗營嘅青少年，同大家分享當中經歷同得著，展示為祖國航天科技出力嘅決心！大會最後透過兒童粵劇團精彩演出，祝願祖國能將中華民族嘅優秀文化廣傳！
