@ 
10月21日，灣仔區撲滅罪行委員會委員 林志偉先生、劉利年先生，同埋灣仔警區警民關係組學校聯絡主任嚟到佛教黃鳳翎中學，向350位師生，進行校園防罪、禁毒講座。
講座中同大家介紹咗唔同種類嘅毒品同埋吸食毒品帶嚟嘅禍害，而最近仲新興咗一種包裝成電子煙吸食方式，叫「太空油」嘅毒品，當中成份包含第一部毒藥「依託咪酯」，危害極大。透過個案分享，加深咗同學對毒品禍害嘅認識，避免受朋輩引誘後吸食毒品，提高禁毒及抗毒意識。
另外特別提醒同學要提升網絡安全意識，希望同學可以協助警方提醒身邊嘅親朋好友，避免成為騙案嘅受害者，防範網絡陷阱！
最後，提提大家，記得download防騙視伏器Scameter+ app呀～
@