@ 
由外交部駐港特派員公署（公署）指導、香港菁英會主辦、九龍城民政處、九龍城區青年發展及公民教育委員會、香港都會大學及九龍城區中學校長會合辦嘅中國外交知識教育講座，日前(18/10)喺香港都會大學圓滿舉行。講座旨在推廣愛國教育，加深大家對祖國外交同發展歷程嘅認識，並同參加者一齊慶祝祖國成立75周年。
民政及青年事務局 Home and Youth Affairs Bureau 副局長梁宏正、九龍城民政專員蔡敏君、香港菁英會常務副主席黃進達、外交部駐港特派員公署國際部一等秘書李曉陽、九龍城區青年發展及公民教育委員會主席楊文銳、都會大學校長高級顧問呂汝漢以及九龍城區中學校長會主席陳得南為活動主禮。講座主題係「中國外交話你知」，由公署講者嚴黎以及在場嘉賓向同學仔分享外交知識，畀佢哋了解到國家喺參與國際事務嘅策略，為未來發展做好準備。
有近400人參加講座，當中包括九龍城區過半數中學、即超過20間中學嘅同學仔出席，當然唔少得Y-Dragon學員啦。副局長喺致辭時鼓勵同學仔多了解祖國嘅外交政策，為祖國嘅未來發展作出貢獻。此外，佢亦即場鼓勵同學下載HKYouth+青年手機應用程式，緊貼各個青年活動嘅最新資訊。
九龍城民政處會繼續同各界攜手合作，舉辦多元化嘅青年活動，培養年輕人成為愛國愛港、具備國際視野、有正向思維嘅新一代。
@