@ 
諗緊今個星期六(26/10)有咩節目？上水北區運動場舉行嘅「興Goal采烈賀華誕」有好多精彩節目等緊你，快啲睇睇以下攻略：
1、足球狂熱分子注意！兩場精彩足球表演賽喺下晝3點同5點開波，雙料娛樂，雙重精彩！
3點正：香港精裝明星足球隊 vs 北區聯隊
5點正：北區U18 vs 深圳羅湖區U18
憑票免費入場，有興趣嘅朋友記得1點半嚟運動場門口攞飛先！
2、樂迷召集！頭場開波前會有人氣歌手、青少年才藝表演同警察銀樂隊表演，記得預早入場！
3、打卡精出沒！兩架賀國慶九巴「熊貓巴」同「火箭巴」當日會泊喺會場，畀一眾巴士迷近距離打卡！同場仲有條75米長嘅巨型夜光彩龍，咁大條龍唔會睇唔到啦！仲有即影即有相機攤位，大家可以揀個心水相框影靚相！
4、一家大細留意！場內有一系列遊戲、小食攤位同吹氣城堡，唔同款式嘅嘉年華限定紀念品等你帶返屋企。夾公仔高手仲可以挑戰免費夾公仔機，睇吓可以夾走幾多個造型可愛嘅熊貓、龍仔同迷你足球紀念品！
精彩節目多到滿瀉，大家記得星期六下晝過嚟玩！
地點：北區運動場
日期：10月26日 星期六
時間：13:30-17:30
@ 
@