@ 
觀塘區嘅年度國慶盛事「金曲樂韻匯觀塘」由19/10（上星期六）起一連三晚喺大學會堂開show，同3,000多名觀塘區居民大唱大跳 ，三晚都全場爆滿，座無虛席 ！
適逢國慶75周年，呢個深受觀塘街坊歡迎嘅演唱會獲民政總署及觀塘各界慶祝中華人民共和國成立75周年籌委會贊助，邀請咗多位歌手演出 ，首首金曲耳熟能詳 ，由唔同年代、各具風格嘅歌手獻唱，令入場觀眾情緒高漲 ，掌聲不斷 。
民政及青年事務局 Home and Youth Affairs Bureau 副局長梁宏正、中聯辦九龍工作部副部長李文彬、觀塘民政專員何立基、觀塘各界慶祝中國人民共和國成立75周年籌委會執行主席李淑媛、觀塘區議會房屋及發展規劃委員會主席呂東孩、觀塘區議會交通運輸委員會主席簡銘東、觀塘區議會食物環境衞生委員會主席譚肇卓，以及香港浸會大學諮議會榮譽委員吳德龍，齊齊鳴敲金鼓 為演唱會揭開序幕。一眾主禮嘉賓然後同觀塘區嘅觀眾朋友台下大合照，場面熱鬧。
觀塘民政處、觀塘區議會聯同觀塘各界籌委會喺區內舉辦連串國慶重點精彩活動 ，畀居民感受到賀國慶嘅熱烈氣氛 ，包括喺市中心舉行「觀塘心連心賀國慶升旗禮」、裕民坊設置打卡地標燈飾裝置，以及如箭在弦嘅觀塘區關愛隊「賀國慶關愛大行動」等等，大家記得屆時留意啊！
