@ 
1. 油尖旺民政處同南、北分區會攜手，安排咗過千名油尖旺街坊同學生今明兩日參觀打卡熱點尖沙咀1881「NAKED FLOWERS」花舞光影展。
大家參觀完仲可以去旺角花墟嘅香港鮮花盆栽批發聯會轄下商戶領取小盆栽及購物優惠。
今日油尖旺民政專員余健強就同北分區會主席歐天賜及委員等參觀。余專員上星期日亦去咗嗰度，同香港菁英會主席林智彬等一齊同另一批油尖旺街坊參觀。
2. 民政處同防火會尋日同消防處及海事處喺新油麻地避風塘及公眾貨物裝卸區舉辦防火宣傳教育日。
余專員及防火會主席羅家聰等聯同船務商會及裝卸業聯會等代表，視察早前裝卸區嘅火災現場，並且：
向工友派發防火單張；
參與防火講座及滅火筒示範；
向避風塘內船隻派發防火三寶。
@