@ 
南區區議員上任以來，一直積極連繫各方，與不同持份者保持密切聯繫，為社區織網，呢幾個星期更分別參觀咗香港仔消防局、香港電燈有限公司南丫發電廠
、新開幕嘅古魏博物館同漁農自然護理署嘅現代化海產養殖示範場，深入認識有關公共服務同社區最新發展，增選委員亦積極參與其中。
、新開幕嘅古魏博物館同漁農自然護理署嘅現代化海產養殖示範場，深入認識有關公共服務同社區最新發展，增選委員亦積極參與其中。1【防災應急 積極宣傳】
南區區議員連同南區防火會委員喺16/10參觀咗香港仔消防局，了解消防處日常工作，包括應對突發意外同天災緊急救援，又學習如何正確使用消防喉轆、滅火筒等工具，更參與火警逃生演習，提高防災應變能力。學識咗應急三識—識滅火、識自救、識逃生，並會將知識帶入社區，加強居民防災意識。
2【持續減碳 邁向碳中和】
17/10就到港燈嘅南丫發電廠了解「由煤轉氣」能源轉型嘅歷程同最新發展，包括全球最大嘅「浮式儲存再氣化裝置船」——紫荊精神號嘅運作。喺港燈董事總經理鄭祖瀛帶領下，大家一齊參觀咗發電廠內嘅核心設施——中央控制室 同太陽能發電板。原來為面對近年嘅極端天氣
，發電廠已將建築物地基水平嘅基本標準加高7米，希望做到喺任何時候維持穩定供電。
，發電廠已將建築物地基水平嘅基本標準加高7米，希望做到喺任何時候維持穩定供電。3【文化藝術 南區瑰寶】
18/10到訪位於黃竹坑、9月底開幕嘅私人藝術博物館—古魏博物館。博物館展出超過1000件嚟自中外唔同時期嘅珍貴文物。配合今年龍年，博物館仲設特別展覽「龍鳳獻吉祥，展出咗大量同龍鳳相關嘅文物。除咗感受到濃厚藝術氣息，更欣賞到近代中西合璧如何將藝術作品提升至新高度。南區又多咗一個高質旅遊景點啦
4【現代化養殖推動漁業發展】
24/10參觀咗漁護署嘅現代化海產養殖示範場，了解深水網箱設計同現代化設備管理，加上風力及太陽能發電系統，成功引領海魚養殖業邁向現代化生產模式！議員亦趁機會同署理漁護署署長交流，提到南區一直有舉辦以漁業為主題嘅地區活動，期望日後能與漁護署加強合作，進一步推動南區漁業發展。
