@ 
26/10晚喺粉嶺祥華社區會堂舉行咗個微型運動會，就係Chill級青年@北區嘅活動——新興運動體驗日！
呢個活動係由香港青少年服務處賽馬會天平綜合青少年服務中心同北區民政處合辦，畀區內嘅後生仔女體驗一下近排新興嘅運動——圓網球同國皇棋。呢兩項運動都好考健兒嘅手眼協調，唔夠眼明手快都玩唔到㗎！教練向在場參加者講解呢兩項運動嘅比賽規則同需要嘅技巧，之後仲有分組對賽添！兩個項目都係團體運動，所以參加者除咗玩得投入之外，仲體驗咗團隊合作嘅重要。
今次活動為區內嘅後生仔女介紹咗兩個新興運動，亦都鼓勵佢哋恒常運動，踢走豬腩肉！希望將來可以見到街坊成為圓網球同國皇棋嘅港隊代表啦！
