北區賀國慶壓軸鉅獻：興Goal采烈賀華誕圓滿舉行

由北區民政處主辦，香港北區康樂總會、鳳水同龍山兩個分區委員會合辦嘅「興Goal采烈賀華誕 北區國慶足球嘉年華」26/10喺上水北區運動場圓滿舉行！

一眾主禮嘉賓主持開波儀式，兩場刺激嘅表演賽隨即展開！兩場波都非常緊湊，球員雙腿好似摩打，扭波踢波頂呱呱，觀眾有咀巴嘅都讚他。同一時間喺球場外嘅嘉年華都好熱鬧，有舞台表演、攤位遊戲、充滿特色嘅飛龍藝術裝置、北區賀國慶巴士展示，吸引大批市民圍觀同打卡。北區街坊玩得開心又盡興，共享國慶喜悅！