十八區國慶樂悠遊@屯門

民政及青年事務局副局長梁宏正聯同屯門民政專員關可臨，26/10一齊出席咗「十八區國慶樂悠遊@屯門」，同超過300位來自屯門嘅街坊朋友同賀國慶75周年，感受同成班街坊去旅行嘅樂趣！

活動由屯門民政處聯同屯門區全體31隊關愛隊合辦。繼9月份出發嘅兩團後，再有一大班街坊朋友浩浩蕩蕩出發。團友先到青山灣海濱長廊嘅特色地標位「打卡」影靚相，仲喺社交媒體分享，希望吸引更多朋友仔嚟「屯遊」「打卡」。

午餐後，團友分別遊覽九龍區及港島區唔同特色景點，包括有牛棚藝術村、藝術公園、九龍城區最新嘅文化藝術地標；香港海防博物館、大館及中環街市等，加深認識香港嘅歷史，開心體驗「香港無處不旅遊」嘅樂趣！