@ 
日前喺荃灣舉辦嘅「魅力荃城賀國慶 • 幻影飄色市集樂繽紛 」，當中主辦單位不忘推廣青少年參與社區活動，馬上為大家介紹：
國慶75•繪出愛填色及繪畫比賽頒獎禮
「國慶75•繪出愛填色及繪畫比賽頒獎禮」喺「市集樂繽紛」活動中舉行（19/10），荃灣民政助理專員關俊傑、新界社團聯會副會長陶桂英及多位荃灣區議員擔任主禮嘉賓，與一眾得獎者分享獲獎喜悅，亦與市民共賀國慶 ！
活動喺沙咀道遊樂場舉行，展出各幼稚園、小學、初中及青年得獎者細膩傳神、充滿創意嘅作品，寄託對祖國嘅美好祝福與熱切盼望之餘，亦彰顯香港青年對祖國嘅深情厚意同讚美熱愛，意義非凡 。
宣傳HKYouth+青年手機App
HKYouth+係 民政及青年事務局今年3月推出嘅手機應用程式 ，係有趣實用嘅一站式多元化嘅綜合青年資訊平台，畀青年人因應自己需要同興趣 充實自己 。
一眾荃灣區區議員及地區人士趁住「市集樂繽紛 」活動，到市集設置嘅資訊攤位，幫手宣傳下載HKYouth+手機App 同訂閱「香港民政及青年事務局」嘅微信公眾號，期間更獲民青局局長 麥美娟 親身到場支持同打氣！唔少有興趣嘅市民同青年即場下載！
大家都快啲下載HKYouth+ 同訂閱「香港民政及青年事務局」嘅微信公眾號啦！
