@ 
由西貢區撲滅罪行委員會及西貢民政處合辦、撲滅罪行委員會及民政總署贊助嘅「慶祝中華人民共和國成立七十五周年：西貢區正向人生歌唱比賽2024」尋日(26/10)喺西貢賽馬會大會堂舉行決賽，希望透過音樂 同歌唱宣揚正能量 同正確價值觀，勉勵大眾活出積極人生 。
第二屆嘅「西貢區正向人生歌唱比賽」喺10月舉行初賽遴選，有超過250名市民報名參加，共選出22個參賽單位晉身決賽，競逐幼稚園及小學組、中學組同公開組冠軍寶座 。決賽晚上，觀眾席座無虛席，好多西貢居民都到場支持。每位參賽者都唱功了得 ，唱出一首首悅耳嘅勵志歌 ，振奮人心 ！大會亦好高興請到深受年輕人歡迎嘅歌手及知名歌唱老師做評判，佢哋同嘉賓王賢訊亦有現場表演，歌聲動聽之餘亦用自身經驗同大家分享正向人生 。
此外，為提早與西貢街坊歡度萬聖節 ，決賽現場還化身成萬聖節派對，四周遍佈萬聖節主題裝飾 同打卡裝置 。大會仲安排與觀眾大玩「Trick or Treat」 同頒發「最具節日氣氛造型獎」嘅環節。不少觀眾都盛裝出席 ，熱烈投入萬聖節派對嘅氣氛之中 。
西貢民政專員馬瓊芬、西貢區撲滅罪行委員會主席吳仕福、黃大仙警區指揮官楊鎮波、將軍澳警區副指揮官曾仲斌及水警東分區指揮官黃汝鏗等擔任主禮嘉賓，頒發獎盃 同獎品 畀得獎者，希望大家繼續積極展才能，燃亮身邊人 。恭喜幼稚園及小學組冠軍徐薈喬、曾伊平，中學組冠軍蟻晴及公開組冠軍伍施穎
