@ 
西貢民政專員兼西貢區議會主席馬瓊芬 今日(25/10)帶領西貢區議員與立法會議員會面，就區內所關注嘅多個事項交流意見 。
會議喺立法會綜合大樓議事廳舉行，由立法會議員何俊賢擔任召集人。會上議員深入討論咗三個西貢區嘅重點關注項目，包括西貢公路改善工程第二期 、區內渠務及水浸改善工程、以及區內野鴿問題 。雙方分別從政策立法層面 ，以及地區最新及貼地嘅角度提出不同見解 ，討論內容豐富且具建設性。
立法會議員十分支持西貢區議會喺呢三項議題嘅工作 ，更會積極同相關部門反映同跟進 ，及後亦會適時喺立法會相關事務委員會討論 ，繼續關注西貢區各項民生議題。
會議結束後，西貢區議會主席及議員仲同立法會主席梁君彥及多位立法會議員共晉午餐 ，繼續就西貢區內各樣民生事項交流討論。
今次見面促進咗立法會同區議會間嘅互動和合作，未來雙方一定會繼續攜手協力 ，努力建設宜遊宜居嘅西貢區
