啱啱個周末,油尖旺民政處及青年發展及公民教育委員會轄下兩個委員會安排區內青少年,同多位傑出人士交流。
1. 尋日(27/10)社區體育委員會喺尖沙咀一間桌球室,舉辦桌球體驗分享會,邀請咗超過50名不同族裔但一樣愛好桌球嘅青少年參加。
活動請咗三位桌球精英,近距離同青少年示範同教導:
今年五月贏咗大滿貫賽事,世界排名最高第三嘅卡比多羅比Robbie(菲裔)
首位香港世青賽冠軍、亞運金牌得主陳國明
15歲拎咗香港公開賽冠軍,而家係身兼物理治療師嘅精英運動員譚潤峰
油尖旺民政專員余健強同委員會主席湯振傑特別多謝活動主委陳正寧醫生嘅安排
2. 星期六(26/10)推廣「一國兩制」委員會喺區內香港理工大學創新樓,舉辦大灣區創科交流會,連線廣州會場,合共接近500名青少年參加。
香港會場請咗三位重量級講者:
理大深空探測研究中心副主任吳波教授講探月
世界十大傑青招彥燾講檢測
應屆香港十大傑青麥騫譽講機械人
我哋多謝邱達根同梁毓偉兩位立法會議員,分別喺兩地場館主持。
委員會主席魏麗霞致辭時多謝創科局副局長張曼莉嘅開幕辭;中聯辦九龍工作部副部長郭長勇、余專員、理大行政及拓展副校長盧麗華、傑出青年協會主席鄧智傑等支持;及活動主委潘智豪嘅籌備。
3. 另外,油尖旺民政處前日支持總部喺區內香港復康力量,將「梁顯利」社區會堂操場變身鏢場,舉辦油尖旺共融飛鏢邀請賽 ,超過200人參加,余專員頒獎畀傷健共融隊伍。