@ 
為慶祝中華人民共和國成立75周年及響應第14屆中西區區節，中西區民政處繼續聯同中西區各委員會合辦多項唔同類型嘅活動，包括：
1/ 粵聲繫國情賀國慶音樂會 (6/10)
不同年代嘅粵語流行曲陪伴我哋成長，總會勾起好多回憶。
音樂會由唔同背景嘅粵語流行曲愛好者（包括街坊福利會歌詠團、退休人士、青年樂隊、中西區歌唱比賽冠軍人馬等）演唱一系列耳熟能詳嘅金曲，觀眾睇得非常投入，跟住一齊大合唱；仲有兒童跳舞助慶，現場洋溢一片歡樂氣氛。
一眾嘉賓包括中西區文化藝術協會主席趙純銘、港區全國政協委員葉永成、第十四屆中西區區節統籌委員會主席周超常、香港中西區各界協會會長夏中建、活動召集人彭嘉儀等到場支持，並為儀式主禮。
2/ 文化共融嘉年華 (13/10)
中西區新來港定居人士服務地區統籌委員會一直致力促進民族共融同文化交流。
中西區民政處聯同委員會及區內多間社福機構（包括明愛莫張瑞勤社區中心、明愛堅道社區中心、鄰舍輔導會融方少數族裔外展服務隊、香港基督教女青年會觀龍樓社區工作辦事處、樂群社會服務處黃光漢社區中心、香港公教婚姻輔導會恩悅綜合家庭服務中心、坊眾社會服務中心）就舉辦文化共融嘉年華，吸引咗唔同族裔嘅朋友到場參加。
活動透過不同遊戲、表演同美食，畀參加者可以一次過感受多個民族嘅文化特色，亦可以認識唔同族裔嘅朋友。
當日委員會主席林其龍、副主席陳光明、民政處及各機構代表都有出席活動，齊齊身體力行，支持社區共融。
