@ 
為慶祝中華人民共和國成立75周年，離島民政處聯同區內共10隊關愛隊，喺9月至10月期間，一共舉辦咗四團精彩嘅本地遊活動 ！
兩團先前往離島區內嘅打卡地標「夢翔 ·島嶼 」，並沿住東涌海濱長廊漫步，感受自然與人文嘅融合。隨後大家去咗香港藝術館參觀，欣賞傳統與現代藝術嘅珍品。午膳後大家出發去大館，遊覽前域多利監獄及前中央裁判司署 嘅古蹟建築。
另一團就參觀九龍寨城公園 ，在場有展覽透過模型同音響效果，將昔日嘅九龍寨城風貌重現喺大家眼前 。午膳後，大家前往啟德郵輪碼頭公園 ，欣賞維港美麗海景 ，仲參觀咗位於啟德車站廣場嘅全新打卡點「穿越啟德再起飛」 ，同舊日嘅行李手推車 、登機閘口牌等裝置打卡合照 ，為旅程留下美好回憶！
仲有一團就參觀咗牛棚藝術村 同藝術公園，並喺西九文化區欣賞壯麗嘅維港海景 。午膳後大家出發去觀塘區嘅打卡地標「裕民坊燈飾」欣賞充滿地區特色嘅燈飾裝置 ，感受節日嘅歡樂氣氛 。
活動結束時，所有參加者都獲贈福袋 ，一齊分享國慶嘅喜悅 ！
