@ 
九龍城民政處及港消防處 Hong Kong Fire Services Department早前（24/10）合辦心肺復甦法(CPR)及使用自動心臟除顫器(AED)課程，超過40位九龍城區「三會」成員同地區領袖參與，反應熱烈。
消防處救護分部同事向大家介紹心臟驟停嘅徵狀同成因， 以及為患者及時進行CPR嘅重要性。原來每延誤1分鐘，患者嘅存活率就會降低7-10%。救護員亦介紹咗AED嘅功能同使用方法，深入淺出地講解各個步驟，並進行示範。
參加者積極提問，並喺救護同事指導下試用AED及施行CPR，全面掌握相關技巧。大家唔單止加深咗對CPR同AED嘅認識，仲喺親身操作過程中累積寶貴經驗，未來遇到緊急情況時可以更自信同熟練咁執行急救工作。
只要有信心，任何人都可以施以援手。 我哋亦期望地區領袖能夠將有關知識同信息 傳遍九龍城區，令更多人有信心、有能力及時施與援手，為守護社區出一分力。
特別感謝消防處悉心安排，畀參加者充分學習同實踐相關知識。九龍城民政處、消防處以及地區團體會繼續攜手合作，共同努力建構更安全及健康嘅社區。
@