@ 
為咗同中西區居民慶祝中華人民共和國成立75周年，中西區各界慶典委員會聯同中西區民政處及同埋中西區區議會合辦咗一系列嘅慶祝活動。29/10喺香港大會堂音樂廳舉行嘅文藝晚會，就係其中一項重點活動。
一眾嘉賓包括行政會議非官守議員召集人葉劉淑儀、民政總署署長張趙凱渝、中聯辦港島工作部副部長楊成偉、港區全國政協委員及立法會議員蘇長荣、港區全國人大代表李應生、港區全國政協委員葉永成、中西區民政專員梁子琪、立法會議員陳學鋒等蒞臨主禮，同場內觀眾齊賀國慶。
署長致辭時話，感謝中西區各界慶典委員會透過舉辦唔同類型嘅慶祝國慶活動，增添區內嘅歡樂氣氛，仲致力地區發展工作，為區內嘅居民排憂解難。
晚會表演節目豐富多元，有醒獅匯演、武術、花式跳繩、非洲鼓、中國民族舞蹈同合唱團表演等，載歌載舞歡度國慶，喺現場嘅觀眾都睇得十分投入。
