@ 
由西貢區體育會主辦 、西貢區青年社區建設委員會 及西貢區青年發展及公民教育委員會合辦 、西貢民政處協辦嘅「慶祝中華人民共和國成立75周年西貢區六角足球賽 」26/10喺將軍澳體育館圓滿舉行！
今次賽事獲西貢區各界積極參與 ，參賽隊伍包括由西貢區議會、三會、西貢區青年社區建設委員會 、西貢區青年發展及公民教育委員會 、關愛隊 同西貢民政處組成嘅「西貢地區治理隊」、西貢區鄉事委員會及坑口鄉事委員會組成嘅鄉事會聯隊及西貢區體育會代表隊，仲有紀律部隊，包括警務處 、消防處 及入境處 三支代表隊，場面相當熱鬧。
經過激烈嘅五人足球 分組賽後，由鄉事會聯隊與消防處代表隊爭奪冠軍寶座，由於法定時間打和，要定點球分勝負，結果由鄉事會聯隊得勝！
緊接住嘅係別開生面 「中電定點球奪分挑戰賽」 ，即時令現場氣氛升溫，各隊射穿特製九宮格龍門取得分數，最後由入境處代表隊奪得冠軍。各隊參賽者落力拼搏，觀眾睇得非常投入 。
典禮由入境處 副處長(管制、簽證及證件)程和木、西貢民政專員馬瓊芬、將軍澳警區 指揮官麥文禹總警司、消防處 九龍東分區指揮官朱敏超、西貢區體育會 主席麥顯坤、西貢區青年社區建設委員會 主席陳健浚及西貢區青年發展及公民教育委員會 副主席王婉儀擔任主禮嘉賓，祝賀各個得獎隊伍 ，恭喜五人足球比賽冠軍鄉事會聯隊、亞軍消防處代表隊及中電定點球奪分挑戰賽冠軍入境處代表隊 。
專員致辭表示，今年係國家成立75周年，亦係香港完善地區治理後首個國慶 ，意義重大。西貢民政處一直秉持服務社區嘅精神 ，無論喺極端天氣下 、定係平日工作 ，民政處與紀律部隊、區議員、三會、關愛隊保持緊密聯繫 ，為市民提供適切服務。 今次足球賽 充分展示西貢區喺完善地區治理下，各界上下一心嘅團結精神 ，正係推動地區和諧發展嘅重要一步 ！
最後，感謝中華電力有限公司贊助今次比賽得獎隊伍嘅運動禮券
@