油尖旺民政處同事獲獎及受訓

油尖旺民政處大廈管理組同事今年連續第二年榮獲申訴專員嘉許獎 。

今次榮獲嘉許嘅同事係油尖旺民政處聯絡主任潘俊岐，佢喺處理華豐大廈火警善後工作上，充分表現高效率同專業嘅精神，因而獲得表揚。油尖旺民政專員余健強及高級聯絡主任莫婉玲都有到頒獎禮恭喜佢同九龍城獲獎同事。

油尖旺民政處亦都認同申訴專員公署對調解嘅重視。事實上，油尖旺民政處計劃於今年底開始，由專業調解機構為同事舉辦調解工作坊，協助同事處理大廈爭議。