@ 
荃灣區國慶樂悠遊
為慶祝國慶75周年，荃灣民政處聯同荃灣區關愛隊喺9-10月舉辦咗四團「荃灣區國慶樂悠遊」一天遊活動，安排區內410名長者 同基層家庭參觀各區特色旅遊景點 ，增強居民對香港及荃灣區嘅歸屬感 ，提升社區幸福感同獲得感 。
本地遊行程經過精心安排，必推 嘅景點當然唔少得荃灣西樓角花園嘅「馬賽克相片牆」打卡點 。其他行程亦各有特色，包括葵青區嘅青嶼幹線訪客中心及觀景台、深水埗區嘅「深Duck」地標等。
一眾參加者坐上洋紫荊號 飽覽維港景色，同時享用午餐 。豐富行程後，關愛隊為參加者送上福袋 ，共賀國慶75周年大日子 ！
豐功偉業—中華人民共和國成立75周年輝煌成就圖片精粹巡迴展覽(荃灣區）
香港大公文匯傳媒集團日前喺荃灣舉辦巡迴展覽，以圖文形式展現祖國喺經濟騰飛、科技創新、文化繁榮、軍事強盛及基礎設施建設等方面嘅非凡成就 。荃灣民政專員區家盛與一眾荃灣區議員、三會委員及關愛隊隊員到場參觀。香港大公文匯傳媒集團助理總經理盛文軒作導賞員，畀大家更進一步認識祖國，了解祖國日漸強大嘅歷程！
