@ 
萬聖節又嚟喇！深水埗警區於少訊會所昨晚（1日）舉辦『萬聖節嘉年華』，今年活動繼續由深水埗少訊諮詢會籌辦，並聯同學校支會，包括九龍工業學校、惠僑英文中學、路德會協同中學、東華三院張明添中學、廠商會中學、地利亞修女紀念學校（吉利徑）及香港城市大學中國學生聯合會，一齊舉辦盛大嘉年華。
深水埗少年警訊萬聖節嘉年華係多年來嘅傳統活動，活動不單體驗「青年領袖、滅罪伙伴」嘅精神，亦秉承青少年將經驗及知識傳承俾下一代的重要任務。今年嘉年華節目十分精彩，我哋一齊回顧下活動花絮：
『妖怪變身站』
活動當日設有Catwalk環節『妖怪變身站』及頒獎典禮。比賽獲得區內不同青少年及學校的支持，經評審後，由深水埗區少年警訊名譽會長楊廣源主席、楊廣成會長、岑志邦會長、鍾婧薇會長 MH 及黃業端會長頒發獎品予得獎參賽者。
學校支會精心設計攤位活動
深水埗警區指揮官 高振邦 署理總警司帶領一眾嘉賓，欣賞及參觀各學校支會精心設計攤位活動包括：橘子工作坊、燈籠工作坊、糖果工作坊、彩繪工作坊、扮鬼扮馬、滿血復活、鬼屋、妖怪輪盤等等。
@ 