@ 
11月1日，灣仔警區警民關係組學校聯絡主任嚟到香港華仁書院，向中一至中五合共600位師生，進行校園防罪講座，主要講解有關科技罪行嘅手法、自我保護嘅方法同埋毒品嘅禍害。
特別提醒同學要提升網絡安全意識，希望同學可以協助警方提醒身邊嘅親朋好友，避免成為騙案嘅受害者，防範網絡陷阱！
自我保護方面，透過新聞事例分享，教導同學辨別他人不當嘅行為，加强同學自我保護意識，適時求助，同埋事件發生時嘅自保方法。
最後，提提大家有種新興毒藥，屬第一部毒藥的 “依托咪酯”（俗稱 太空油）已經慢慢流入青少年社群裏面。吸食「太空油」會導致身體造成不可逆轉損害。大家千其咪亂試呀！！
