@ 
1) 中西區文學徑導賞團
由於以往活動反應熱烈，中西區民政處今年繼續舉辦「中西區文學徑導賞團」。第一團已經喺10月13日順利完成。導賞員帶領參加者遊走於中西區文學徑，探索不同文學家喺區內嘅生活蹤跡。參加者更跟隨導賞員進入香港大學，一邊參觀校園感受學術氣氛，一邊聆聽文學家嘅生平解說。
導賞活動尾聲更設有互動環節，讓參加者交流文學心得，為整個活動增添活力！
2) 舊精神病院立面導賞 － 萬聖節特別團
中西區民政處喺10月31日舉行萬聖節特別版嘅「舊精神病院立面導賞團」。導賞員同參加者都響應節日傳統，化身成不同人物角色盛裝出席。導賞員帶領一眾參加者穿越古老嘅走廊同地庫，探索呢座充滿神秘感嘅建築，揭開背後嘅歷史故事。
今次活動好榮幸邀請到香港中樂團表演。香港中樂團於1977年成立，素有「民樂翹楚」同「香港文化大使」之美譽️，對推廣中樂貢獻良多。佢哋特別為今次活動準備笛子、笙及管子嘅音樂表演，喺中西文化交融下，讓參加者沉浸喺優美動聽嘅旋律中，為導賞活動增添獨特氛圍。
