@ 
為慶祝新中國成立75周年，九龍城民政處、九龍城區各關愛隊及地區組織喺早前（24/10)合辦整「妝」待「髮」賀國慶活動。喺關愛隊同各團體義工嘅幫助下，居民以最好嘅面貌影靚相，共慶祖國誕辰。
今次活動安排義工為九龍城嘅居民提供各項貼心服務，包括義剪、彩妝造型指導、個人或家庭照攝影、註冊中醫義診、仲有血管健康檢測，內容豐富，希望令各位參加者身心靈均健康美麗。當日參加嘅居民都表示好開心，因爲除咗結婚、生日等大日子外，平時日常生活好少有機會可以好似當日一樣扮靚靚，現場更有專業嘅攝影師為參加者拍下最美麗嘅一刻，發掘更好嘅自己。佢哋都好期待參加下一次關愛隊舉辦嘅活動！
九龍城區兩個社區客廳都喺現場設立服務站，推廣社區客廳嘅服務。有好多居民即場登記，成為土瓜灣及紅磡社區客廳嘅會員。關愛隊未來會繼續同社區客廳緊密合作，提供最適切嘅服務比有需要嘅居民。
九龍城民政處一直致力促進不同界別嘅協作，凝聚社區力量，為居民提供多元化嘅服務。未來請大家繼續支持九龍城民政處嘅地區工作，一同建設更美好、更共融嘅九龍城，締造更有「幸福感」嘅社區！
@ 