@ 
喺琴日11月1日，中華基督教會基慧小學 一班同學仔來到荃灣警署參觀，荃灣警署悉心安排咗多個不同嘅環節畀大家。
首先，荃灣警區安排咗角色扮演劇場，劇中同學們目擊一宗盜竊案件嘅發生，大家都盡公民責任，願意向警方提供線索 ，將「賊人」 嘅特徵同埋事發經過講俾警察 知，協助警方將疑犯繩之於法。一班同學仲喺現場協助警方搜證 。
之後，同學們還可以近距離了解警察巡邏裝備。同埋 參加指模 工作坊，學習套取指紋 。荃灣警區還特意為他們安排指模書籤 給同學們留為紀念 。
另外，荃灣警區悉心安排警察領犬員介紹警犬隊 ，當中除咗講解警犬 嘅日常巡邏工作外，還安排爆炸品搜索犬即場示範搜索爆炸品 ，同學們仲可以同警犬 打卡 。
最後，荃灣警區仲帶同學們參觀認人室，講解認人程序，當然仲有得坐警車 影相留念。
見到全部同學仔都積極投入參與 ，希望透過活動能夠令到一眾學生 體會「小心保管財物 」嘅重要性，如果遇到罪案時，更加要挺身而出，協助警方撲滅罪行，提高 公民守法意識
