@ 
自9月中起，荃灣民政處協辦或支持近三十個慶祝中華人民共和國成立75周年活動，總參與人次超過14萬 。
最新由荃灣民政處支持嘅國慶活動尋日（3/11）圓滿舉行，係由荃灣港安醫院同荃灣各界慶祝國慶籌委會合辦嘅「荃灣各界慶祝中華人民共和國成立75周年暨荃灣港安成立60周年盆菜宴」。活動邀請咗醫務衞生局局長盧寵茂、行政會議成員高永文、中聯辦新界工作部副部長李功勛、荃灣民政專員區家盛、警務處荃灣區指揮官羅家康、立法會議員陳恆鑌、陳穎欣及荃灣各界慶祝國慶籌委會主席陳曉津等擔任主禮嘉賓 ！
活動喺沙咀道遊樂場舉行，主辦單位共筵開175席，邀請咗超過1700位區內長者及嚟自基層家庭嘅市民，同各嘉賓一齊品嚐美味嘅盆菜以及欣賞精彩豐富嘅文娛節目。現場氣氛樂也融融，促進社區關愛，参與嘅市民都玩得盡興，度過一個歡樂愉快嘅晚上。 活動結束前，全場一齊高歌「獅子山下」，既顯社區和諧及團結，亦為活動畫上圓滿句號。
感謝荃灣港安醫院及多個熱心團體及人士贊助同協助籌辦今次國慶盆菜宴活動。
