@ 
秋冬風乾物燥，大家要做好防火安全！東區防火委員會聯同東區民政處及香港消防處日前（2/11）喺西灣河愛秩序灣公園舉行「慶祝中華人民共和國成立75周年 東區消防安全嘉年華」，宣傳防火知識，並為社區帶嚟歡樂同活力嘅一天！
東區民政專員陳尚文聯同消防處署理港島東區指揮官黎健武、消防處署理助理救護總長（港島）吳宛喬、東區消防安全大使名譽會長會主席彭韻僖、東區防火委員會主席羅達成等擔任主禮嘉賓，為活動主持開幕儀式。
嘉年華節目豐富，有AED心肺復甦法救護示範、災難應變救援隊同搜救犬示範、全港唯一處理救援核生化事故 「七號滅火輪」展示，以及多款專業消防裝備展示，當然唔少得歌星獻唱同攤位遊戲。小朋友亦大顯身手，穿上消防制服，試坐迷你消防及救護車輛，體驗做「小小拯救員」嘅興奮滋味！
今年嘉年華圓滿成功，笑聲處處！希望大家繼續將防火知識融入日常生活，共建及守護更安全嘅社區。
