@ 
為慶祝國慶75周年，南區盛事連連！南區民政處、區議會、關愛隊聯同地區團體以及同鄉社團喺過去幾個月合辦咗多不勝數、多姿多彩嘅慶祝活動，重點包括：
- 一票難求、一隻隻遊走香港仔避風塘、色彩繽紛嘅75A熊貓舢舨——「熊貓綵艇漁港情 繽紛光影耀南區」
- 列入非物質物化遺產名錄嘅中秋舞火龍
- 彰顯地區同中華傳統文化嘅「漁港情濃歲月之漁家嫁娶」
- 深受市民歡迎嘅75號熊貓巴士
- 照亮香港仔同鴨脷洲兩旁嘅LED 75A熊貓天幕
- 嗇色園初入南區嘅「讚星禮斗祈福迎祥大法會」
- 「75秒神射手」籃球比賽
- 全面推廣市民健康，超過7500名市民受惠嘅「人人享健康 樂活在南區」系列活動
- 充滿歡樂笑聲嘅「國慶樂遊悠關愛大旅行」
另外仲有多元體育、文化、教育活動、嘉年華同展覽等共超過80項活動🙌🏻，參與人次超過60萬。雖然喺18區之中，南區人口較少，也非處於中心位置，但今次無論係活動數目，或係參與人數，均創歷史新高。再加上數量破紀錄嘅各項慶祝75周年布置，令南區呢幾個月到處都充滿國慶嘅歡樂氣氛！同大家回顧吓活動花絮先～！
喺度要多謝各主辦及合辦單位同心協力🩵，為市民提供一個個豐富節目，亦多謝一眾嘉賓到場鼎力支持。南區民政處未來會繼續與各方緊密合作，全力以赴，主辦、合辦同埋支持各項精彩活動！
國家華誕 全城歡騰！
精彩南區 全賴有你！
@ 