@ 
為慶祝國慶75周年，深水埗民政處聯同深水埗三分區委員會舉辦咗「慶祝中華人民共和國成立七十五周年 —— 深水埗三分區粵劇欣賞會」。
一連3晚嘅活動尋晚(7/11)圓滿謝幕，活動總共吸引3000名觀眾入場，欣賞劉惠鳴、鄧美玲、阮兆輝等粵劇名伶演出。演出劇目有浪漫情深嘅《紫釵記》、歡喜冤家《龍鳳爭掛帥》同埋北宋名將《狄青闖三關》。
其中一項最吸睛嘅表演就係小演員踏臺板。年紀輕輕嘅佢哋 頭戴髮片手執纓槍，演出有板有眼！ 深水埗民政處希望活動能同各位歡度國慶之餘，亦鼓勵大家繼續支持傳承粵劇呢項獨特嘅非物質文化遺產 。
深水埗民政專員黃昕然、深水埗三分區委員會主席同委員、深水埗區議員連同部門代表亦有到場支持；大會同時感謝李鄭屋官立小學代表為活動進行升國旗儀式。
