@ 
為提高居民對健康嘅關注同傳遞健康、快樂信息，葵青民政處喺上星期六（2/11）聯同葵涌中南分區委員會及區內多個機構，包括瑪嘉烈醫院、葵青地區康健中心、葵青安全社區及健康城市協會、香港社區健康學院同埋新生精神康復會安泰軒（葵涌），喺荔景社區會堂合辦「葵涌中南分區健康同樂日2024」。
活動當日吸引眾多區內外居民參加，場面熱鬧 ！現場仲有註冊中醫、西醫同護理人員等專業醫護團隊，向居民提供中醫義診 同西醫諮詢 等多種義務服務，例如為居民測量血糖️ ，提高居民對糖尿病嘅關注；另外活動亦設有內容豐富嘅示範活動同各式各樣嘅身 健康資訊專題講座，例如有「靜觀工作坊」 ，畀參加者透過靜觀練習增強自我觀察同專注能力 ，學吓點樣由靜觀步向感恩 ，從而好好照顧自己 ，提升身 靈健康。教練仲即場示範做毛巾操，同大家一齊「動」起來 。
今次活動能夠順利舉行，實在有賴各單位鼎力支持 同協助 ！希望葵青區居民透過今次嘅活動了解到自己身體狀況之餘，仲學到點樣達致「身 健康」 ，一齊守護 「健康」呢份寶貴嘅財產 ！
