@ 
西環街坊福利事務促進會係本港最歷史悠久嘅街坊會之一，成立至今超過70年。街坊會多年來竭力為區內街坊提供多元化嘅服務，配合唔同居民嘅需要。
為咗進一步向街坊提供更完善嘅服務，街坊會喺2024年3月展開翻新工程，優化會所內各項設施。喺理事長葉榮鉅及會長羅清平嘅帶領、街坊會仝人嘅努力籌劃及熱心善長嘅鼎力支持下，翻新工程已順利完成。
為慶祝呢個重要時刻，街坊會8/11舉行揭幕儀式，一眾地區首長包括中西區民政專員梁子琪、中聯辦港島工作部副部長楊成偉、街坊會永遠榮譽會長陳特楚、永遠榮譽顧問葉國謙、全國人大代表李應生、港區全國政協委員葉永成等齊齊出席，參與切金豬儀式及揭幕禮。
專員喺典禮上，讚揚街坊會喺地區上嘅貢獻，並感謝杜千送先生及譚廣銓先生慷慨贊助，願街坊會能為區內居民提供更適切嘅服務及舉辦更多元化嘅活動。
