@ 
第15屆全運會及全國第12屆殘疾人運動會暨第9屆特殊奧林匹克運動會將會喺一年後嘅11月同12月舉行。今屆係由粵港澳三地聯合承辦，當中香港會舉辦8個競賽項目同1個群眾項目，高爾夫球項目更加會喺粉嶺舉行，真正係北區嘅「一年之約 主場出擊」！北區民政處就聯同北區體育會，喺10/11合辦全運會&殘特奧會「一年之約 主場出擊」- 北區系列活動啟動禮，喺一年前倒數呢個時刻，開始炒熱個氣氛！
北區民政專員賴子堅、中聯辦新界工作部副處長王克勝同一眾嘉賓，喺啟動禮為嚟緊喺北區舉辦嘅全運會&殘特奧會「一年之約 主場出擊」挑戰賽揭開序幕。由11月到出年2月，北區會舉辦3人籃球、排球、手球同7人欖球挑戰賽。此外，今次活動仲邀請咗劍擊、沙灘排球同手球運動員參與，分享佢哋嘅運動同訓練嘅心得同埋劍擊示範，激發在場觀眾嘅運動魂！
