@ 
觀塘民政專員何立基、觀塘區青年發展及公民教育委員會主席李誌峰及各委員，聯同觀塘區青年社區建設委員會主席張琪騰、博士生師徒承傳計劃學員、新生命教育協會呂郭碧鳳中學及聖約瑟英文中學同學仔 今日（9/11）上午，齊到觀塘市中心 同埋觀塘商貿區 ，向食肆 、商戶及市民派發「好客之道」宣傳單張及紀念品 。
除咗呼籲大家一齊響應文化體育及旅遊局 Culture, Sports and Tourism Bureau嘅「好客之道」運動 ，弘揚熱情好客精神，提升服務質量 ，亦宣傳觀塘區不同嘅好去處，如鯉魚門、觀塘海濱等，畀大家認識更多觀塘區嘅獨特魅力 。沿途店家及市民親切嘅回應 令我哋感覺非常窩心 。
一齊攜手 推廣「做多一步，好客之道」嘅信息畀大眾，齊齊營造友善禮貌嘅社區氣氛！
