@ 
由荃灣民政處、荃灣藝術節統籌委員會、仁濟醫院及荃灣文藝康樂協進會合辦 嘅第30屆荃灣藝術節已經開始喇 ，開幕典禮11月10日喺荃灣大會堂圓滿舉行。
呢項兩年一度嘅地區盛事 ，秉承歷屆藝術節傳統，匯聚各界文化藝術精英，呈獻不同活動，旨在提高市民文化藝術欣賞水平 。
開幕禮場面熱鬧，民政及青年事務局 Home and Youth Affairs Bureau 副局長梁宏正、荃灣民政專員區家盛、立法會議員馬逢國等擔任主禮嘉賓，為荃灣藝術節正式揭開序幕。典禮後，由香港18個舞蹈團隊，超過250位舞蹈員傾力演出嘅「舞蹈詩–歲月印記」隨即開始，佢哋用精湛舞藝 將香港百年歷史變化呈現喺觀眾眼前 ，場境繽紛璀璨 ，令人目不暇給 。
荃灣藝術節各項精彩表演由即日起至11月下旬舉行，節目包括有粵劇折子戲、中樂音樂會 、書畫展覽及工作坊 、步操管樂匯演 、青年綜合表演 同埋民歌馬拉松等 ，動靜皆宜，適合唔同人士嘅喜好，大家記得要踴躍參加同支持呀！
㩒入貼文入面嘅海報就可以睇到節目詳情喇！
