@ 
現屆觀塘區區議員自上任後積極向政府反映街坊意見 ，務求做到下情上報，為街坊解決區內民生問題。
為解決秀茂坪區電單車需求增加而引致泊位不足嘅問題 ，觀塘民政專員兼區議會主席何立基尋日（12/11）就聯同秀茂坪區區議員張培剛、洪錦鉉、陳耀雄同許有為、秀茂坪分區委員會主席黃秀珍同委員，仲有康文署、運輸署同路政署嘅代表，一同到秀茂坪區視察，探討喺部分秀明道╱曉光街休憩處闢建電單車泊位 嘅可能性。
出席嘅區議員同分區會代表實地考察，了解現場環境 同聽取相關部門初步講解後，認為研究喺休憩處加設電單車泊位嘅同時，亦需維持該處嘅綠化環境 ，以平衡各方面嘅考慮﹔另一方面，相關部門亦會從行人、行車安全同其他技術問題等角度積極研究，盡快提出可行方案 。
觀塘民政處會一如既往，繼續同區議會及政府各部門緊密合作 ，同心協力 為居民謀福祉，改善地區問題 ，共同建設更理想社區。
@