@ 
【喺過去嘅周末，九龍城民政處舉辦咗2個饒有趣味又富教育意義嘅活動，讓市民加深對身心健康同防火應急嘅認識。
何文田分區委員會喺上星期六（9/11）於愛民邨社區會堂舉行「樂活健康何文田賀國慶」。雖然活動當日懸掛3號風球，但無阻一眾街坊嘅熱情參與。活動設有多個以精神健康、認知障礙及支援照顧者為主題嘅攤位遊戲，更有歌唱、中國舞及印度舞等表演，目不暇給。十分感謝何文田區內多間學校及地區團體為大家帶嚟精彩演出。活動除咗慶祝祖國成立75周年外，一眾街坊更可透過遊戲認識更多與身心健康 嘅資訊，關愛身邊有需要嘅家人同朋友。活動喺一片歡樂氣氛下結束，希望大家繼續將關愛正能量傳遍社區。
喺星期日（10/11），九龍城區防火委員會聯同香港消防處喺土瓜灣遊樂場足球場舉行「九龍城區防火教育同樂日2024」。活動先由消防儀仗隊展示國旗、區旗、奏唱國歌，及後更有消防及救護車輛、滅火機械人、消防滅火無人機及消防機械狗等展示。參加者更可以親身體驗操作消防喉轆，同玩以消防教育為主題嘅攤位遊戲。大會亦向街坊派發印有防火信息嘅紀念品，提醒大家當遇上火警時要記住唔好慌，記得要帶備逃生三寶：手提電話、濕毛巾、門匙！大家滿載而歸之餘，更學習到消防安全同應急逃生嘅知識。
九龍城民政處、「三會」以及地區團體會繼續緊密合作，為社區舉行更多活動，提升居民對身心健康同防火應急嘅關注 ，共建更樂活、更安全嘅社區 。
@ 