@ 
黃大仙區關愛隊成立 周年喇 ！為慶祝呢個重要日子，黃大仙區關愛尋日（17/11）舉辦「關愛同行一周年分享會」 ，約300位關愛隊成員齊集東頭社區中心 ，回顧過去一年嘅豐碩成果 ，同時交流服務經驗 ，以期為居民提供更全面到位嘅支援 。黃大仙民政處亦邀請咗循道衛理楊震社會服務處嘅社工同關愛隊分享接觸隱蔽長者嘅技巧及如何協助佢哋尋求社會資源 ，融入社區 。
黃大仙民政專員Thomas喺分享會上感謝關愛隊成員過去一年默默耕耘及無私付出 ，喺停電、爆水管、極端天氣、火警及交通意外等緊急情況下緊守崗位 ，站在最前線為居民服務 。關愛隊亦一直擔當社區不同群體嘅橋樑 ，連繫各持份者 ，照顧長者及基層居民 ，構建全面互助網絡 。
繼往開來 ，黃大仙區關愛隊會繼續與市民同行 ，凝聚地區力量 ，發揮關愛精神 ，共建友愛融和嘅美好社區 ！
@