@ 
為咗令「成功有約」嘅年輕學員認識鬧市中蘊藏嘅傳統及多元本地文化，屯門民政處同屯門區青年發展及公民教育委員會上星期六（16/11）舉辦「探索香港日」。一班青年人上晝出發到屏山文物徑，喺專業領隊導賞下參觀咗法定古蹟—覲廷書室及聚星樓；之後仲走訪流浮山，了解當地漁村歷史同埋發展。
到咗下晝學員就番到屯門，佢哋以小組形式走訪屯門區內「好買、好玩、好食」嘅地方，用青年人嘅角度引領大家尋覓屯門區最具特色嘅旅遊熱點。佢哋為熱點所撰寫嘅報告，仲有機會印喺由屯門民政處、屯門區議會提振地區經濟專責工作小組及屯門區青年發展及公民教育委員會合辦嘅「18區日夜都繽紛@青樂屯遊」特色地圖上，為吸引區內外居民到訪屯門及振興地區經濟齊心出力！
