@ 
荃灣民政處轄下嘅荃灣區青年服務團11月18日聯同香港領港會舉辦「荃灣青年海港體驗活動 」，畀區內學生深入了解香港海運行業 ，荃灣民政專員區家盛亦一齊登船體驗 ！今次活動亦係支持「香港海運週2024」。
活動先由香港領港會嘅專業領港員 Captain Rockman 同Captain Simon 兩位船長向同學介紹香港海港情況、領港工作及荃灣地區喺海運工作嘅重要性等。聽完介紹，就進入同學最期待嘅部分，出海親身體驗海港行程 ！
今次海港體驗航程包括近距離參觀葵涌貨櫃碼頭、銀洲領港站登船區，以及了解海港內輪船航道情況等 。呢次出海經驗豐富充實，參加嘅同學都表示能夠深入體驗香港海運業嘅風采，係寶貴難忘嘅經驗。
活動得以順利完成，感謝香港領港會及博愛醫院歷屆總理聯誼會梁省德中學嘅鼎力支持！ 相信活動可以增進青年人對海事活動及工作嘅中認識 ，擴闊視野 ，更好地為未來做好準備，一同為建設香港未來作出貢獻。
