@ 
葵青係全港坐擁最多大橋嘅地區。自1974年青衣大橋落成啟用，過去50年隨著香港同地區嘅發展，青衣喺不同時期一共建成8座大橋連繫全港 ，其中以青馬大橋及汀九橋最為人熟悉。參加馬拉松 同公路單車賽 嘅選手，同經青馬大橋出入機場或經汀九橋進出青衣嘅市民，對橋上嘅景色固然唔陌生，但市民可以點樣同呢兩座大橋打卡呢？
有見及此，葵青民政處及葵青區青年社區建設委員會特意選址喺青嶼幹線觀景台增設打卡地標。觀景台嘅打卡地標背靠青馬大橋及馬灣海峽嘅壯麗全景，面向繁忙嘅汀九橋，仲喺地下畫咗呢幅集合葵青區不同地標建築嘅藝術地畫，一次過滿足市民不同嘅打卡願望。大家打卡之餘，仲可以認識葵青區地標建築添！立即去片，睇吓葵青民政專員鄧顯權及一眾青年委員嘅介紹啦！
葵青打卡地標
地點：青嶼幹線觀景台
開放時間：上午七時半至晚上十一時（星期一至星期日）