@ 
大埔區一連串豐富嘅賀國慶活動繼續精彩！日前（17/11）區內過百名體育健兒同支持者雲集東昌街體育館，參加由大埔各界慶祝國慶籌委會主辦，大埔體育會統籌、大埔民政處贊助嘅「大埔各界慶祝中華人民共和國成立75周年 - 國慶盃乒乓球團體邀請賽2024」。球來球往，令人拍爛手掌。
以往區內多屆比賽都有各路高手參賽，今次亦唔例外。西貢北鄉事委員會、大埔商會、大埔青年網絡等區內各界團體都有派隊，場上切磋國技，場下觀眾則落力加油打氣，一同展現大埔社區嘅活力、凝聚力同拼搏嘅精神。
友誼第一、比賽第二，無論成績如何，最重要大家都藉此機會互相交流，共同進步。所有健兒全力以赴嘅精神尤其令人振奮。我哋一齊祝賀各優勝隊伍，同時學習呢份拼搏，繼續為社區團結一心而努力！
